Mesfushori Albert Dabiqaj është përforcimi më i ri te nënkampionia e Kosovës, Drita.
Dabiqaj është prezantuar te Drita të enjten, ndërsa në ekipin e ri do ta bartë fanellën me numrin 14.
Detajet e marrëveshjes me Dabiqajn nuk janë bërë të ditura, ndërsa ai do të jetë përforcim i rëndësishëm për mesfushën.
Ai edicionin e fundit ishte pjesë e Gjilanit, ekip për të cilin luajti prej vitit 2021, ndërsa karrierë në Kosovë, ka bërë edhe te Feronikeli e Besa e Pejës.
26-vjeçari pati paraqitje të mira edicionin e shkuar ku shënoi 11 gola dhe bëri 2 asistime në 30 paraqitje për Gjilanin në të gjitha garat.
Dabiqaj ka të fituar një titull kampioni të Kosovës me Feronikelin.